Posted by: H.C.
Comments: 0
Post Date: 2024-11-12
Երեկ՝ նոյեմբերի 11-ին, ՀՀ ԷՆ Զբոսաշրջության կոմիտեի նախագահ՝ Լուսինե Գևորգյանը հանդիպել է մարոկկյան «MENAPS DMC» ընկերության ներկայացուցիչ՝ Աբդո Իրաքին։ Հանդիպմանը ներկա են գտնվել Մարոկկոյում ՀՀ դեսպան՝ Արշակ Փոլադյանը, Մարոկկոյում ՀՀ պատվո հյուպատոս՝ Մեհդի Լարաքին և ՀՀ ԱԳՆ ներկայացուցիչները։
Հանդիպման ընթացքում Մարոկկոյի «MENAPS DMC» ընկերության ներկայացուցչի կողմից ներկայացվեց կազմակերպության գործունեության շրջանակը, քննարկվեցին երկու երկրների միջև զբոսաշրջության ոլորտում համագործակցության զարգացմանն ուղղված քայլերը։
Հանդիպումն ամփոփվեց ՀՀ զբոսաշրջային ընկերությունների հետ հանդիպմամբ, որի ընթացքում «MENAPS DMC» ընկերությունը ներկայացրեց շնորհանդես, ինչպես նաև հայկական զբոսաշրջային կազմակերպությունների հետ համագործակցության հնարավոր տարբերակներ։
Թողնել պատասխան